પોરબંદરની ખાનગી સ્કૂલ બસમાં બેટરીમાં અચાનક શોર્ટસર્કિટ થતા આગ લાગી

રાજ્યમાં અવારનવાર આગ લાગવાની ઘટના સામે આવતી હોય છે. ત્યારે પોરબંદરની ખાનગી સ્કૂલ બસમાં આગ લાગવાની ઘટના સામે આવી છે. ખાનગી સ્કૂલ બસમાં વિદ્યાર્થીઓને લઈને જતા હતા તે સમયે દરમિયાન આગ લાગી છે. બેટરીમાં અચાનક શોર્ટસર્કિટ થતા આગ લાગી હતી.  બસમાં સવાર તમામ વિદ્યાર્થીઓનો બચાવ કરવામાં આવ્યો છે. તેમજ ઘટનાની જાણ થતા ફાયર બ્રિગેડની ટીમે ઘટનાસ્થળે પહોંચીને આગ પર કાબૂ મેળવ્યો છે. બીજી તરફ આ અગાઉ સુરતના અડાજણ વિસ્તારમાં પાર્ક કરેલી એક કાર અચાનક સળગી ઉઠતા દોડધામ મચી ગઈ હતી. કારમાં લાગેલી આગને કાબુમાં લેવા ફાયર બ્રિગેડની મદદ લેવાની ફરજ પડી હતી. સૂત્રો અનુસાર આ કાર ઘણા સમયથી પાર્ક હતી જેમાં અચાનક આગ લાગી હતી. ગણતરીની પળોમાં કાર અગનગોળામાં પરિવર્તિત થઈ ગઈ હતી.