વલસાડ જિલ્લાના ભીલાડ પોલીસ સ્ટેશન વિસ્તારમાં પોલીસ પેટ્રોલિંગ દરમિયાન બાતમીના આધારે દમણથી દારૂ ભરીને આવતી એક સફેદ ટાટા હેરીયર કારને અટકાવવાનો પ્રયાસ કરવામાં આવ્યો હતો. જોકે, ચાલકે કાર ઉભી રાખવાને બદલે પૂરઝડપે ભગાડી મૂકી હતી.
પોલીસે ફિલ્મી ઢબે પીછો કરતા ગભરાયેલા ચાલકે દારોઠા ખાડી પાસે કાર એક ફાર્મ હાઉસની દીવાલ સાથે અથડાવી દીધી હતી અને વાહન મૂકીને નાસી છૂટ્યો હતો. પોલીસે કારની તપાસ કરતા તેમાંથી ભારતીય બનાવટના વિદેશી દારૂની કુલ ૧૦૮૦ બોટલો મળી આવી હતી, જેની કિંમત રૂ.૨,૯૦,૪૦૦/- થાય છે.પોલીસે રૂ.૧૦ લાખની કાર અને દારૂ મળી કુલ રૂ.૧૨,૯૦,૪૦૦/- નો મુદ્દામાલ કબજે કર્યો છે.
