બનાસકાંઠા જિલ્લામાં એસીબીએ સફળ ટ્રેપ કરી છે,પાલનપુર તાલુકાના ટાકરવાડા ગ્રામ પંચાયતની મહિલા તલાટી કમ મંત્રીને લાંચ સ્વીકારતા રંગે હાથ ઝડપી પાડવામાં આવી છે.
આરોપી : મીનાબેન લવજીભાઈ પરમાર , હોદ્દો-તલાટી કમ મંત્રી ટાકરવાડા ગ્રામ પંચાયત, વર્ગ-૩,
ટ્રેપની તારીખ: ૨૪/૦૬/૨૦૨૫
લાંચની માંગણીની રકમ:રૂ.૪૦૦૦/-
લાંચની સ્વીકારેલ રકમ : રૂ.૪૦૦૦/-
લાંચની રીકવર કરેલ રકમ : રૂ.૪૦૦૦/-
ટ્રેપનુ સ્થળ : ટાકરવાડા ગ્રામ પંચાયત, તા.પાલનપુર, જી.બનાસકાંઠા
મળતી માહિતી પ્રમાણે આ કામના ફરીયાદીશ્રી નાઓના ભત્રીજાને મકાન ઉપર લોન લેવાની હોય જે લોન સારુ ગામના રહેવાસીનો દાખલો તથા મકાનની ચતુરશીમાના દાખલાની જરૂરિયાત હોય જેથી ફરિયાદીશ્રીનાઓ આક્ષેપિત ત.ક.મંત્રી મીનાબેન પરમાર નાઓ પાસે ગયેલ જે દાખલો આપવાની અવેજ પેટે આક્ષેપીત નાઓએ રૂપિયા ૪૦૦૦/- ગેરકાયદેસર લાંચની માગણી કરેલ,જે લાંચના નાણા ફરિયાદી આપવા માગતા ના હોય, ફરીયાદીએ બનાસકાંઠા એ.સી.બી. નો સંપર્ક કરી ફરીયાદ આપતા ફરિયાદીની ફરિયાદ આધારે ગોઠવેલ લાંચના છટકા દરમ્યાન આ કામના આરોપી નાઓએ ફરિયાદી સાથે સ્થળ ઉપર હેતુલક્ષી વાતચીત કરી લાંચની રકમ સ્વીકારી પકડાઇ ગઈ હતી.
ટ્રેપિંગ અધિકારી :
શ્રી એન. એચ.મોર,
પોલીસ ઇન્સ્પેકટર,
બનાસકાંઠા એ.સી.બી. પો.સ્ટે., પાલનપુર.
સુપરવિઝન અધિકારી :
શ્રી કે. એચ. ગોહિલ,
મદદનિશ નિયામક,
એ.સી.બી. બોર્ડર એકમ, ભુજ.
