વડોદરા જિલ્લામાં શિનોર તાલુકાના માલસર ગામના ખેડૂત જીતેન્દ્ર જયંતી પટેલના પરિવારમાં કુરિયર પાર્સલના બહાને કૌભાંડનો ચોંકાવનારો બનાવ સામે આવ્યો છે.આશરે 1.45 લાખ રૂપિયા ઠગાઇ કરવામાં આવ્યા બાદ શિનોર પોલીસ મથકમાં અજાણ્યા ઠગ વિરુદ્ધ ફરિયાદ નોંધાઈ છે.
ફરિયાદ મુજબ, 25મી જુલાઈએ સવારે જીતેન્દ્રની પત્ની પર વોટ્સએપ કોલ આવ્યો. કોલમાં મહારાષ્ટ્ર બ્રાન્ચની સેન્ટ્રલ બેન્ક ઓફ ઇન્ડિયાનું ડિસપ્લે થતું હતું અને કહ્યું કે, તમારું કુરિયર અમદાવાદ એરપોર્ટ પર આવ્યું છે. તેને છૂટું કરવા 35 હજાર રૂપિયા ચૂકવવા પડશે. પછી તેમણે ગૂગલ દ્વારા 35 હજાર રૂપિયા ટ્રાન્સફર કરાવ્યા, કારણ કે તેમને વધુ કહેવામાં આવ્યું કે પાર્સલ CID દ્વારા પકડાઈ ગયું છે.
થોડીવાર બાદ આ કોલ કરનારે કહ્યું કે પાર્સલમાં ડોલર છે અને તેને છૂટું કરવા માટે 85 હજાર રૂપિયા ભરવાની જરૂર છે, નહીં તો CID તેમની પત્નીને પકડી લઈ જશે. આ પ્રમાણે, ચેક અને અલગ-અલગ ટ્રાન્સફર દ્વારા કુલ 1.45 લાખ રૂપિયા એ ઉઘરાવ્યા ગયા. જીતેન્દ્ર જયંતી પટેલે આ બનાવ અંગે શિનોર પોલીસ મથકમાં ફરિયાદ નોંધાવી છે. શિનોર પોલીસ આ કિસ્સાની તપાસ શરૂ કરી છે.અહીં નોંધનીય છે કે, હાલમાં આવા કૌભાંડના કેસો ઓનલાઈન કોલ અને કુરિયર પાર્સલના બહાને વધી રહ્યા છે. પોલીસ લોકોને સતર્ક રહેવાની સલાહ આપી રહી છે.
