સુરત શહેરના ઇચ્છાપોર બસ સ્ટેન્ડ નજીક રવિવારે રાત્રે રોંગ સાઇડમાં બેફામ આવતા ટ્રેક્ટર ચાલકે કારને ટક્કર મારી હતી. કારમાં સારવાર માતા-પુત્રના મોત થયા હતા. જ્યારે સાસુ ગંભીર રીતે ઘાયલ થયા છે. અકસ્માતના બનાવને પગલે પોલીસે ટ્રેક્ટર ચાલકની ધરપકડ કરી છે.
પ્રાપ્ત માહિતી અનુસાર મૂળ બિહારના દરભંગા વતની 34 વર્ષીય કેશવ ભાઈ બદ્રીનાથ કુમાર હાલમાં સુરત શહેરના ભેંસાણ રોડ પર આવેલી સ્વાગત રેસિડેન્સીમાં પરિવાર સાથે રહે છે. અને તે પોતાનો ટ્રાન્સપોર્ટનો બિઝનેશ ધરાવે છે. બિઝમેન કેશવભાઈની પત્ની મનીષા ત્રીજી પ્રસૂતિ માટે ખાનગી હોસ્પિટલમાં દાખલ છે. જ્યાં ત્રણ દિવસ પહેલા તેણીએ ત્રીજી દીકરીને જન્મ આપ્યો હતો. પત્ની હોસ્પિટલમાં દાખલ હોવાથી પતિ કેશવ કુમાર ગઈકાલે 5 ઓગસ્ટના રોજ રાત્રે 8 વાગ્યે કાર લઈને પોતાની પત્ની મનીષાને ભોજન આપવા માટે હોસ્પિટલ જઈ રહ્યા હતા.
ઘરેથી નીકળતી વખતે, કેશવની માતા 63 વર્ષીય ઉર્મિલાદેવી અને સાસુ કિશોરીદેવી પણ કારમાં પોતાની સાથે મનીષાને મળવા જઈ રહ્યા હતા.જેમાં માતા આગળની સીટમાં બેઠા હતા, જ્યારે સાસુ પાછળની સીટમાં બેઠા હતા. દરમિયાન ઇચ્છાપુર બસ સ્ટેન્ડ નંબર 03 નજીક એક ખાનગી બેંક સામેથી પસાર થતી વખતે, એક ટ્રેક્ટર ચાલકે તેમની કારને જોરદાર ટક્કર મારી હતી. આ અકસ્માતમાં કારમાં મુસાફરી કરી રહેલા તમામ લોકોને ગંભીર ઈજાઓ પહોંચી હતી. ગંભીર રીતે ઘાયલ ઉર્મિલા બદ્રીનાથ કુમાર (63) છાતીમાં ગંભીર ઈજાને કારણે ઘટનાસ્થળે જ બેભાન થઈ ગઈ હતી. સ્થાનિક લોકોએ ઘટના અંગે ૧૦૮ એમ્બ્યુલન્સ અને પોલીસને જાણ કરી હતી.સ્થળ પર તપાસ દરમિયાન ૧૦૮ એમ્બ્યુલન્સના ઇએમટી અલ્પેશ ચૌહાણે રાત્રે ૮.૩૦ વાગ્યે તેને મૃત જાહેર કર્યો હતો. જ્યારે કાર ચલાવી રહેલા કેશવને પેટ સહિત શરીરમાં ગંભીર ઈજાઓ થઈ હતી. તેને સ્વામી પ્રમુખ હોસ્પિટલના ડોક્ટરો દ્વારા સારવાર માટે દાખલ કરવામાં આવ્યો હતો જ્યાં શનિવારે સવારે ૯.૧૯ વાગ્યે તેનું મોત નીપજ્યું હતું. સ્થાનિક લોકોએ જણાવ્યું હતું કે ટ્રેક્ટર ખોટી બાજુએ ખૂબ જ ઝડપે આવી રહ્યું હતું અને કારને ટક્કર મારી હતી. અકસ્માતમાં કારને પણ નુકસાન થયું હતું. ઈચ્છાપોર પોલીસે માર્ગ અકસ્માતનો ગુનો નોંધીને ટ્રેક્ટર ચાલકની ધરપકડ કરી છે અને આગળની કાર્યવાહી શરૂ કરી છે.
