Latest news : ટોલનાકા પાસે ૧૩ લાખના દારૂ સાથે ટ્રક ઝડપાઈ

નવસારી હાઈવે રોડના બોરિયાચ ટોલનાકા પાસેથી રૂરલ પોલીસે રૂા.૧૩ લાખથી વધુના ઇંગ્લિશ દારૂ ભરેલી સાથે ડ્રાઈવર સાથે બે ને ઝડપી પાડી રૂા.૨૦.૩૧ લાખનો મુદ્દામાલ કબજે કર્યો હતો.પોલીસ સુત્રો પાસેથી પ્રાપ્ત માહિતી મુજબ નવસારી રૂરલ પોલીસ સ્ટાફના માણસોએ હાઈવે રોડ ના બોરિયાચ ટોલનાકા પાસેથી ટ્રક ની તલાસી લેતા તેમાંથી ૧૦૦ પુઠાના બોક્ષમાં ભારતીય બનાવટની વિદેશી દારૂની વ્હિસ્કી વોડકાની નાની-મોટી બાટલીઓ કુલ નંગ- ૩૦૦૦ જેની કુલ કિ.રૂા.૧૩,૨૦,૦૦૦/- નો જથ્થો મળી આવતા પોલીસે ડ્રાઈવર (૧) હાર્દિક મેરૂભાઈ મોરી (બાબર)(રહે, ભરવાડ વાસ, પરાણી ગકામ, પોસ્ટ-શીયાણી, તા. લીમડી, જિ. સુરેન્દ્રનગર )અને (૨) જનકભાઈ ધીરૂભાઈ મરૂણીયા (ઠાકોર કોળી, કલીનર રહે. કંસાલા ધામ, ચોરાવીરા, સાયલા, જિ. સુરેન્દ્રનગર)ને ઝડપી પાડી ઇંગ્લીશ દારૂ અને ટ્રક મળી રૂા. ૨૦,૩૧,૫૦૦/-ના મુદ્દામાલ કબજે કરી કાયદેસરની કાર્યવાહી હાથ ધરી હતી.