ગુજરાતને અડીને આવેલા કેન્દ્ર શાસિત પ્રદેશ દમણ, દીવ અને દાદરા નગર હવેલીમાં યોજાયેલી સ્થાનિક સ્વરાજની ચૂંટણીઓના પરિણામો જાહેર થયા છે. જેમાં ભાજપનો ભવ્ય વિજય થયો છે. આ અંગે મળતી માહિતી મુજબ દમણ જીલ્લા પંચાયતમાં 16માંથી 15, નગર પાલિકાની 15માંથી 14 અને સરપંચ માટેની 16માંથી 15 બેઠકો પર વિજય થયો છે. દીવ જીલ્લામાં ભાજપ જીલ્લા પંચાયતની તમામ 8 બેઠક ભાજપે જીતી છે. જયારે દાદરા નગર હવેલી જીલ્લામાં ભાજપે 26 માંથી 24 બેઠક જીતી જયારે નગર પાલિકામાં તમામ 15 બેઠકો પર વિજય થયો છે.
કેન્દ્ર શાસિત પ્રદેશોમાં સ્થાનિક સ્વરાજની ચૂંટણીઓમાં ભાજપના વિજય પર કોંગ્રેસે આકરા પ્રહાર કર્યા છે. જેમાં કોંગ્રેસે આ ચૂંટણી કાવા દાવા કરીને જીતવાનો આક્ષેપ લગાવ્યો છે. આ ચૂંટણીના પરિણામોમાં કુલ 122 બેઠકો એટલે કે 91 બેઠક પર કોઈ પણ વિરોધ વિના ભાજપને જીત મળી છે. જેનું કારણ આ 75 બેઠક પર ભાજપ વિરુદ્ધ કોઈ ઉમેદવાર જ ન હતો. જયારે કોંગ્રેસે આરોપ લગાવ્યો કે આવું એના માટે થયું કે કોંગ્રેસના ઉમેદવારોના ફોર્મ જાણી જોઈને રદ કરવામાં આવ્યા હતા. કોંગ્રેસે ભાજપ પર આરોપ લગાવતા આ અને મુંબઈ હાઈકોર્ટમાં અરજી પર દાખલ કરી છે.ઉલ્લેખનીય છે કે, દમણ, દીવ અને દાદરા નગર હવેલીની સ્થાનિક સ્વરાજની ચૂંટણીઓ 05 નવેમ્બરના રોજ યોજવામાં આવી હતી.
