ધી નિઝર તાલુકા ખેડૂત સહકારી ખરીદ વેચાણ સંઘ લી.ની ૧૮ બેઠકો માટેની ચૂંટણી જાહેર થયા બાદ ૧૪ બેઠકોના સભ્યો બિનહરીફ ચૂંટાયા હતા. માત્ર ૪ બેઠકો માટે તા.૧૨ના રોજ ચૂંટણી યોજાઈ હતી. 
નિઝર તાલુકાની ધી નિઝર તાલુકા ખેડૂત સહકારી ખરીદ-વેચાણ સંઘ લી. નિઝરના મતદાર ૧૮ મંડળના સભ્યોમાંથી ૧૪ બિનહરીફ થતાં બાકી ચાર નિઝર, દેવાળા, બાલંબા, નિભોરા બેઠકોની ચૂંટણી તા. ૧૨-૯-૨૫ના રોજ યોજાઈ હતી. શનિવારે મતગણતરી કરી પરિણામ જાહેર કરાયું હતું.
નિઝર મતદાર મંડળના બે ઉમેદવારો દીપકભાઈ લક્ષ્મણભાઈ પટેલને ૪ મત અને હરીફ ઉમેદવાર મુકેશભાઈ સખારામભાઈ પટેલને ૩ મત મળતા દીપકભાઈ પટેલ વિજેતા થયા હતા. દેવાળા મતદાર મંડળમાં ઉમેદવારો ધર્મેન્દ્રભાઈ ચુનિલાલભાઈ રાજપૂતને ૩ મત, સતિષકુમાર રતિલાલભાઈ પટેલને ૪ મત મળતા સતિષકુમાર પટેલ વિજેતા થયા હતા. બાલંબા મતદાર મંડળમાં ઉમેદવારો જ્યોતિબેન તારાચંદભાઈ પાડવીને ૩ મત અને વર્ષાબેન મહેશભાઈ વળવીને ૪ મત મળતા વર્ષાબેન વળવી વિજેતા જાહેર થયા હતા. નિંભોરા મતદાર મંડળના ઉમેદવારો લિંબાભાઈ રામુભાઈ પટેલને ૫ મત. સંદીપભાઈ ભાઉરાવભાઈ મરાઠેને ૪ મત મળતા લિંબાભાઈ પટેલ વિજેતા થયા હતા. આજરોજ વિજેતા ઉમેદવારોએ વિજય રેલી કાઢી હતી. સંઘની અન્ય ૧૪ બેઠકો ઉપર બિનહરીફ સભ્યો ચૂંટાઈ આવ્યા હતા. જેમાં પિંપલોદ મંડળમાં શરદભાઈ શંકરભાઈ પટેલ, ચિંચોદામાં લક્ષ્મણભાઈ પુનાજીભાઈ ચૌધરી, અંતુર્લીમાં ગણેશભાઈ દિલીપભાઈ પાટીલ, હરદુલીમાં ઉદ્ધવભાઈ તુમડુભાઈ પટેલ (વાંકા), કોઠલીમાં ઈશ્વરભાઈ નારાયણભાઈ પટેલ, વેલદામાં તુકારામભાઈ રઘુનાથભાઈ પટેલ, ભીલજાંબોલીમાં નરપતભાઈ બોંડાભાઈ વળવી (કાલીઆંબા), સાયલામાં લક્ષ્મીબેન જગનભાઈ વળવી (વડલી), પિસાવરમાં નરેન્દ્રભાઈ બંસીભાઈ પાટીલ, બહુરૂપામાં શ્રીરામભાઈ વિઠ્ઠલભાઈ પટેલ, અશ્રાવામાં ભાસ્કરભાઈ ધોંડુભાઈ પાટીલ, ફૂલવાડી-કુકરમુંડામાં ખુશાલભાઈ બુલાખીભાઈ મરાઠે, વ્યક્તિ પ્રતિનિધિમાં આશાબેન રાજારામભાઈ પટેલ (વેલદા), ભગવાનભાઈ સોમજીભાઈ પટેલ (બહુરૂપા)નો સમાવેશ થાય છે.
