મહિલા સાથે આડાસંબંધના વહેમમાં યુવક અને પરિવારના ત્રણ સભ્યએ જીઆરડી જવાનને લાકડીના સપાટા માર્યા

ઉચ્છલના વડપાડાનેસુ ગામમાં જીઆરડી જવાનની મોપેડને અટકાવી વડપાડા નેસુના ચાર વ્યકિતઓએ મહિલા સાથે આડાસબંધનો વહેમ મુદ્દે માથામાં લાકડીના સપાટા મારી ઇજા પહોંચાડી હોવાની વિગતો સાંપડી છે, વિગતો પ્રમાણે ઉચ્છલ તાલુકાના વડપાડાનેસુ ખાતે મોપેડને તા.૧૮મી ના રોજ વડપાડાનેસુ ગામના રાહુલભાઈ ભીલ્યાભાઈ વસાવાએ અટકાવીને ગાળાગાળી કરી હતી તે દરમિયાન રાહુલભાઇના પિતા ભીલ્યાભાઈ દિવાનજીભાઈ, માતા રમીલાબેન તથા રવીભાઈ સુરેશભાઈ વસાવા દોડી આવ્યા હતા. તમામે જીઆરડી જવાનને ઢીક્કમુક્કીનો તથા હાથથી માર મારી તથા રાહુલભાઈએ પોતાના હાથમાં રહેલ વાંસની લાકડી વડે પીઠના ભાગે ત્રણેક સપાટા મારી તથા પગમાં, માથામાં પાછળના ભાગે સપાટો મારી નીચે પાડી નાંખ્યા હતા. રાહુલભાઈએ કહેવા લાગેલ કે હવે પછી મારી પત્ની સાથે આડાસબંધ રાખશે તો જાનથી મારી નાંખીશની ધમકી આપી ચારેય જણાએ યુવાનને મારતા-મારતા ગામમાં વીજ થાંભલા પાસે લઈ જઈ પકડી રાખ્યો હતો. યુવાને માર મારનાર તથા ધમકી આપનાર ચારેય સામે ઉચ્છલ પોલીસ મથકે ફરીયાદ કરી છે.