નેપાળ અત્યારે ભડકે બળી રહ્યું છે. સોશિયલ મીડિયા પર પ્રતિબંધને લઇને શરૂ થયેલો વિરોધ એટલો વધ્યો કે 19 લોકોના મોત થયા. જ્યારે પીએમ કોલીએ તો રાજીનામુ આપીને દેશ છોડીને ભાગવુ પડે. ત્યારે નેપાળમાં આવી તંગ સ્થિતિ જોતા એર ઇન્ડિયાએ મોટો નિર્ણય લીધો છે. હાલ એરઇન્ડિયા દ્વારા દિલ્હીથી કાઠમંડુ જતી ફ્લાઇટ રદ કરવામાં આવી છે.
આ ફ્લાઇટ કરવામાં આવી કેન્સલ : દેશના વિવિધ ભાગોમાં બીજા દિવસે પણ હિંસક વિરોધ પ્રદર્શન ચાલુ રહેતાં એર ઇન્ડિયાએ મંગળવારે દિલ્હી-કાઠમંડુ-દિલ્હી રૂટ પર ઘણી ફ્લાઇટ્સ રદ કરવાની જાહેરાત કરી હતી. અસરગ્રસ્ત ફ્લાઇટ્સમાં AI2231/2232, AI2219/2220, AI217/218 અને AI211/212નો સમાવેશ થાય છે, જે આજે કાર્યરત નહીં હોય.
એર ઇન્ડિયાના પ્રવક્તાએ શું કહ્યું ? : એક નિવેદનમાં, એર ઇન્ડિયાના પ્રવક્તાએ જણાવ્યું હતું કે કાઠમંડુમાં પ્રવર્તમાન પરિસ્થિતિને ધ્યાનમાં રાખીને, દિલ્હી-કાઠમંડુ-દિલ્હી રૂટ પર કાર્યરત નીચેની ફ્લાઇટ્સ AI2231/2232, AI2219/2220, AI217/218 અને AI211/212 આજે રદ કરવામાં આવી છે. અમે પરિસ્થિતિ પર નજીકથી નજર રાખી રહ્યા છીએ અને વધુ અપડેટ્સ શેર કરીશું. એર ઇન્ડિયામાં, અમારા મુસાફરો અને ક્રૂની સલામતી સર્વોચ્ચ પ્રાથમિકતા છે તેમ જણાવ્યું.
ઉલ્લેખનીય છે કે પીએમ કેપી ઓલીના રાજીનામા બાદ નેપાળમાં વધતી અશાંતિને પગલે ફ્લાઇટ્સ રદ કરવામાં આવી છે, જે દેશભરમાં બીજા દિવસે પણ હિંસક વિરોધ પ્રદર્શનોમાં પ્રવેશી હતી. સ્થાનિક મીડિયાના અહેવાલ મુજબ, ઓલીના સચિવાલયે તેમના રાજીનામાની પુષ્ટિ કરી છે. અગાઉ ચાર મંત્રીઓએ સરકારમાંથી રાજીનામું આપી દીધું હતું.નેપાળમાં ભારતીયો માટે હેલ્પલાઇન નંબર જાહેર 9810326134
